የኢትዮጵያ ግብርና እና የንግድ ሥራዎች ኮርፖሬሽኖች በ2011 በጀት ዓመት ብር 112.2 ሚሊዮን አተረፉ
በሆቱልና ቱሪዝም አገልግሎት መስክ የተሰማሩ 3 የልማት ድርጅቶች በ2011 በጀት ዓመት በድምሩ ብር 138.6 ሚሊዮን አተረፉ
ኤጀንሲው በስሩ ያሉ የልማት ተቋማትን የ2011 በጀት ዓመት ዕቅድ አፈጻጸማቸውንና የ2012 በጀት ዓመት ዕቅድ ዝግጅታቸውን መገምገም ጀመረ
ትኩረት የተሰጣቸው የመንግሥት የልማት ድርጅቶች የ9 ወራት አፈጻጸም በገንዘብ ሚኒስቴር ተገመገመ
የመንግሥት የልማት ድርጅቶች ብር 29.6 ቢሊዮን አተረፉ


.


የኢትዮጵያ ኮንስትራክሽን ዲዛይንና ሱፐርቪዥን ሥራዎች ኮርፖሬሽን ብር 324 ሚሊዮን አተረፈ

21/08/2019
የኢትዮጵያ ኮንስትራክሽን ዲዛይንና ሱፐርቪዥን ሥራዎች ኮርፖሬሽን በ2011 በጀት ዓመት ከታክስ በፊት ብር 325 ሚሊዮን ለማትረፍ አቅዶ ብር 324 ሚሊዮን ወይም ከዕቅዱ 100.5 በመቶ አተረፈ፡፡ ይህ ትርፍ ከ2010 በጀት ዓመት አፈጻጸም ጋር ሲነጻጸር የ15 በመቶ ብልጫ አለው፡፡

የኢትዮጵያ ግብርና እና የንግድ ሥራዎች ኮርፖሬሽኖች በ2011 በጀት ዓመት ብር 112.2 ሚሊዮን አተረፉ

09/08/2019
በመንግሥት የልማት ድርጅቶች ይዞታና አስተዳደር ኤጀንሲ ሥር የሚገኙ የኢትዮጵያ የግብርና ሥራዎች ኮርፖሬሽን ብር 96.1 ሚሊዮን እና የኢትዮጵያ ንግድ ሥራዎች ኮርፖሬሽን ብር15.1 ሚሊዮን በድምሩ ብር112.2 ሚሊዮን በ2011 በጀት ዓመት ከታክስ በፊት አተረፉ፡፡ ይህ የታወቀው የኮርፖሬሽኖቹ የ2011 በጀት ዓመት ዕቅድ አፈጻጸም እና የ2012 በጀት ዓመት ዕቅድ ዝግጅት በኤጀንሲው መሰብሰቢያ አዳራሽ ነሐሴ 2 ቀን 2011 ዓ.ም. በተገመገመበት ወቅት ኮርፖሬሽኖቹ ካቀረቧቸው ሪፖርቶች ነው፡፡

በሆቱልና ቱሪዝም አገልግሎት መስክ የተሰማሩ 3 የልማት ድርጅቶች በ2011 በጀት ዓመት በድምሩ ብር 138.6 ሚሊዮን አተረፉ

09/08/2019
በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ በሆቴልና ቱሪዝም አገልግሎት መስክ የተሰማሩ ሶስት የልማት ድርጅቶች በ2011 በጀት ዓመት በድምሩ ብር 138.6 ሚሊዮን ለማትረፍ አቅደው ብር 134.1 ሚሊዮን ወይም የዕቅዳቸውን 96.75 በመቶ ማትረፍ መቻላቸው በ2011 በጀት ዓመት ዕቅድ አፈጻጸም እና በ2012 በጀት ዓመት ዝግጅት ግምገማቸው ወቅት ተገለጸ፡፡ ድርጅቶቹ ይህንን ትርፍ ማግኘት የቻሉት ብር 739.77 ሚሊዮን ሽያጭና አገልግሎት አቅደው ብር 683.55 ሚሊዮን ወይም የዕቅዳቸውን 92.4 በመቶ በማከናወናቸው እንደሆነ በግምገማው ወቅት የቀረቡ ሪፖርቶች ያስረዳሉ፡፡

ኤጀንሲው በስሩ ያሉ የልማት ተቋማትን የ2011 በጀት ዓመት ዕቅድ አፈጻጸማቸውንና የ2012 በጀት ዓመት ዕቅድ ዝግጅታቸውን መገምገም ጀመረ

08/08/2019
የመንገሥት የልማት ድርጅቶች ይዞታና አስተዳደር ኤጀንሲ በስሩ ያሉ የልማት ተቋማትን የ2011 በጀት ዓመት ዕቅድ አፈጻጸም እና የ2012 በጀት ዓመት ዕቅድ ዝግጅት ሐምሌ 24 ቀን መገምገም ጀመረ፡፡ በዚሁ በመጀመሪያው የግምገማ ዕለት ጠዋት የብሔራዊ አልኮልና አረቄ ፋብሪካ እና ከሰዓት በኋላ የብርሃንና ሰላም ማተሚያ ድርጅት የ2011 በጀት ዓመት ዕቅድ አፈጻጸሞችና የ2012 በጀት ዓመት ዕቅድ ዝግጅቶች ተገምግመዋል፡፡ የግምገማ መድረኩን የኤጀንሲው ዋና ዳይሬክተር ክቡር አቶ በየነ ገብረመስቀል መርተውታል፡፡ የየድርጅቶቹ ቦርድ አመራር ተወካዮች፣ዋና ሥራአስፈጻሚዎች እና የሥራ አመራር አባላት እንዲሁም ከኤጀንሲው የማኑፋክቸሪግና ኢነርጂ ዳይሬክተርና ባለሙያዎች በግምገማው ላይ ተገኝተዋል፡፡

ትኩረት የተሰጣቸው የመንግሥት የልማት ድርጅቶች የ9 ወራት አፈጻጸም በገንዘብ ሚኒስቴር ተገመገመ

22/07/2019
ትኩረት በተሰጣቸው የፋይናንስ፣ኮሙዩኒኬሽ፣የብረታብረትና ስኳር ዘርፎች የሚገኙ የልማት ድርጅቶችና ኮርፖሬሽኖች የ2011 በጀት ዓመት የ9 ወራት አፈጻጸም በገንዘብ ሚኒስቴር ግንቦት 19፣22 እና 23 ቀን 2011 ዓ.ም. ተገምግሟል፡፡ የግምገማ መድረኩን የመሩት ሚኒስትሩ ክቡር አቶ አህመድ ሽዴ ሲሆኑ፣ ሚኒስትር ዴኤታ ክቡር ዶ/ር ኢዮብ ተካልኝም ተገኝተዋል፡፡ ከመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተሩ አቶ በየነ ገ/መስቀል፣ ምክትል ዋና ዳይሬክተሩ አቶ ሀብታሙ ኃ/ሚካኤል እንዲሁም የየዘርፎቹ ዳይሬክተሮችና ባለሙያዎች ተሳትፈዋል፡፡

የመንግሥት የልማት ድርጅቶች ብር 29.6 ቢሊዮን አተረፉ

29/08/2018
በመንግሥት የልማት ድርጅቶች ይዞታና አስተዳደር ሥር የሚገኙ 22 የልማት ድርጅቶች በ2011 በጀት ዓመት ዘጠኝ ወራት ከታክስ በፊት ብር 37.5 ቢሊዮን ለማትረፍ አቅደው ብር 29.6 ቢሊዮን ወይም የዕቅዳቸውን 85 በመቶ አተረፉ፡፡ የልማት ድርጅቶቹ በባለፉት ዘጠኝ ወራት ብር 122 ቢሊዮን የሚገመት የምርትና አገልግሎት ሽያጭ አቅደው ብር 100.8 ቢሊዮን ወይም የዕቅዳቸውን 79 በመቶ ማከናወን በመቻላቸው ከላይ የተጠቀሰውን ትርፍ ማግኘት እንደቻሉ የህዝብ ተወካዮች ምክር ቤት የገቢ፣በጀትና ፋይናንስ ቋሚ ኮሚቴ የኤጀንሲውን አፈጻጸም ግንቦት 21 ቀን 2011 ዓ.ም. በገመገመበት ወቅት ተገልጿል፡፡ በኤጀንሲው ሥር ከሚገኙ የልማት ድርጅቶች መካከል ምርትና አገልግሎታቸውን ለውጭ ገበያ የሚያቀርቡ ሰባት ድርጅቶች 79.6 ሚሊዮን የአሜሪካን ዶላር ገቢ ለማግኘት አቅደው 58 ሚሊዮን የአሜሪካን ዶላር ወይም የዕቅዳቸውን 73 በመቶ ማግኘት እንደቻሉ ለቋሚ ኮሚቴው የቀረበው ሪፖርት ያስረዳል፡፡

  ክቡር አቶ በየነ ገብረመስቀል

 የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር

Web Content Display Web Content Display

የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር የክቡር አቶ በየነ ገብረመስቀል መልዕክት

 

የመንግሥት የልማት ድርጅቶች ይዞታና አስተዳደር ኤጀንሲ በአዋጅ ቁጥር 1097/2011  መንግሥት አስፈጻሚ አካላትን እንደገና እንዲዋቀሩ ማድረጉን ተከትሎ በደንብ ቁጥር 445/2011 ተቋቁሟል፡፡ ኤጀንሲው ከቀድሞው የመንግሥት ልማት ድርጅቶች ሚኒስቴር በተለየ መልኩ አዲስ ተልዕኮ ፣ የትኩረት መስክ እና አደረጃጀት እንዲይዝ ተደርጓል፡፡ 

አዲሱን የመንግሥት አስፈጻሚ አካላት አደረጃጀት ተከትሎ የተቋቋመውን የመንግሥት የልማት ድርጅቶች ይዞታና አስተዳደር ኤጀንሲን  በዋና ዳይሬክተርነት እንድመራ ትልቅ ኃላፊነት ተሰጥቶኛል፡፡ ኤጀንሲው በሥሩ 22 ተጠሪ የመንግሥት የልማት ድርጅቶች አሉት፡፡

ኤጀንሲው  የመንግሥት የልማት ድርጅቶች ውጤታማ ፣ ተወዳዳሪና አትራፊ እንዲሆኑ ዘመናዊ የኮርፖሬት አስተዳደርና የኮርፖሬት ፋይናንስ ሥርዓት ዝርጋታ ፣ አመራርና አስተዳደር ክትትል ፣በመንግሥት የልማት ድርጅቶችና አክሲዮን ማህበራት ውስጥ መንግሥት ያለውን የባለቤትነት መብት ማስጠበቅ ፣በመንግሥት ልማት ፖሊሲ እና በመንግሥት የልማት ድርጅቶች ስምሪት መካከል የሚኖረውን ቅንጅት ማሳለጥ እንዲሁም የመንግሥት የልማት ድርጅቶች አስተዳደር  የመንግሥት የባለቤትነት ፣ የተቆጣጣሪ እና ፖሊሲ አውጪውን አካላት ኃላፊነትና ሚና በለየ መልኩ መተግበሩን ማረጋገጥ ላይ ያተኮሩ ዋና ዋና ዓላማዎችን እንዲያስፈጽም ኃላፊነት ተሰጥቶታል፡፡ ሌሎች ዝርዝር ተግባራትና ኃላፊነቶችም በመቋቋሚያ ደንቡ ተገልፀዋል፡፡

ኤጀንሲው እነዚህን ዓላማዎች እና  ኃላፊነቶች ለማሳካትም የመንግሥት የልማት ድርጅቶች ከዚህ ቀደም ከነበረው በተሻለ መልኩ ትርፋማነት ላይ አተኩረው እንዲሰሩ በማስቻል በሀገር ውስጥ እና ዓለም አቀፍ ገበያ ተወዳዳሪ ማድረግ እና የሀገርን ኢኮኖሚ መደገፍ እንዲችሉ ማብቃት ይጠበቅበታል፡፡

የኤጀንሲው ፣ የተጠሪ የልማት ድርጅቶች አመራሮችና ፈጻሚዎች ይህንን ትልቅ ሀገራዊ ኃላፊነት  ለመወጣት የመላው የሀገራችን ህዝብ እና የደንበኛና የባለድርሻ አካላት ከፍተኛ ድጋፍ ወሳኝ እንደሆነ አጥብቀን እናምናለን፡፡

በመሆኑም በምንከተለው ግልጽ አሰራር መሰረት የደንበኛና የባለድርሻ አካላትን ተሳትፎና ድጋፍ እንደምናበረታታ እያስታወቅን፣ ለጋራ ዓላማችን ስኬት ለምታደርጉት አስተዋጽኦ ከፍተኛ ክብር እንዳለን እና ትኩረት ሰጥተን ሁልጊዜም ለመሻሻል እንደምንሰራ ለመግለጽ እንወዳለን፡፡

Web Content Display Web Content Display