የኢትዮጵያ ግብርና እና የንግድ ሥራዎች ኮርፖሬሽኖች በ2011 በጀት ዓመት ብር 112.2 ሚሊዮን አተረፉ
በሆቱልና ቱሪዝም አገልግሎት መስክ የተሰማሩ 3 የልማት ድርጅቶች በ2011 በጀት ዓመት በድምሩ ብር 138.6 ሚሊዮን አተረፉ
ኤጀንሲው በስሩ ያሉ የልማት ተቋማትን የ2011 በጀት ዓመት ዕቅድ አፈጻጸማቸውንና የ2012 በጀት ዓመት ዕቅድ ዝግጅታቸውን መገምገም ጀመረ
ትኩረት የተሰጣቸው የመንግሥት የልማት ድርጅቶች የ9 ወራት አፈጻጸም በገንዘብ ሚኒስቴር ተገመገመ
የመንግሥት የልማት ድርጅቶች ብር 29.6 ቢሊዮን አተረፉ
Back

በሆቱልና ቱሪዝም አገልግሎት መስክ የተሰማሩ 3 የልማት ድርጅቶች በ2011 በጀት ዓመት በድምሩ ብር 138.6 ሚሊዮን አተረፉ

 

በመንግሥት የልማት ድርጅቶች ይዞታና አስተዳደር ኤጀንሲ ስር የሚገኙ በሆቴልና ቱሪዝም አገልግሎት መስክ የተሰማሩ ሶስት የልማት ድርጅቶች በ2011 በጀት ዓመት በድምሩ ብር 138.6 ሚሊዮን   ለማትረፍ አቅደው ብር  134.1 ሚሊዮን  ወይም የዕቅዳቸውን 96.75 በመቶ  ማትረፍ መቻላቸው በ2011 በጀት ዓመት ዕቅድ አፈጻጸም እና በ2012 በጀት ዓመት ዝግጅት ግምገማቸው  ወቅት ተገለጸ፡፡

ድርጅቶቹ ይህንን ትርፍ ማግኘት የቻሉት ብር 739.77 ሚሊዮን ሽያጭና አገልግሎት አቅደው ብር 683.55 ሚሊዮን  ወይም የዕቅዳቸውን 92.4 በመቶ በማከናወናቸው እንደሆነ በግምገማው ወቅት የቀረቡ ሪፖርቶች ያስረዳሉ፡፡

ግምገማው የተካሄደው ሐምሌ 29 እና 30 ቀን 2011 ዓ.ም. በኤጀንሲው መሰብሰቢያ አዳራሽ የየድርጅቶቹ የቦርድ አመራሮች፣ ዋና ሥራ አስፈጻሚዎች፣የማኔጅመንት አባላት እንዲሁም የኤጀንሲው የንግድና አገልግሎት ዳይሬክተርና ባለሙያዎች በተገኙበት ነው፡፡ የግምገማ መድረኮቹን የኤጀንሲው ዋና ዳይሬክተር አቶ በየነ ገብረመስቀል እና ምክትል ዋና ዳይሬክተሩ አቶ ሀብታሙ ኃ/ሚካኤል መርተዋቸዋል፡፡

ሐምሌ 29 ቀን 2011 ዓ.ም. ከሰዓት በላ የኢትዮጵያ ቱሪስት ንግድ ሥራ ድርጅት አፈጻጸም እና የ2012 ዝግጅት የተገመገመ ሲሆን፣ ድርጅቱ በ2011 በጀት ዓመት ከሽያጭና አገልግሎት ብር 501 ሚሊዮን ገቢ ለማግኘት አቅዶ ብር 469.9 ሚሊዮን ወይም የዕቅዱን 93.73 በመቶ አግኝል፡፡ ይህ ገቢ ከባለፈው ተመሳሳይ ወቅት ጋር ሲነጻጸር በ7.77 በመቶ ብልጫ አለው፡፡ በትርፍ ረገድ ደግሞ ከታክስ በፊት ብር 75.4 ሚሊዮን ለማትረፍ አቅዶ ብር 75.6 ሚሊዮን ማትረፍ ችሏል፡፡ ይህ አፈጻጸሙ ከአምናው በጀት ዓመት ጋር ሲነጻጸር በ10.48 በመቶ ብልጫ እንዳለው ሪፖርቱ ያመለክታል፡፡ በውጭ ሽያጭ ረገድ ድርጅቱ በበጀት ዓመቱ 14.9 ሚሊዮን የአሚሪካን ዶላር ገቢ ለማግኘት አቅዶ 13.3 ሚሊዮን የአሜሪካን ዶላር በማግኘት የዕቅዱን 91.78 ፈጽል፡፡

ሐምሌ 30 ቀን 2011 ዓ. ም. ጠዋት የግዮን ሆቴል ድርጅት የ2011 ዕቅድ አፈጻጸምና የ2012 ዕቅድ ዝግጅት ተገምግል፡፡ ሆቴሉ በተጠናቀቀው በጀት ዓመት ብር 86.77 ሚሊዮን የአገልግሎት ሽያጭ በማከናወን ብር 30.1 ሚሊዮን ትርፍ ከታክስ በፊት ለማግኘት አቅዶ ብር 81.65 ሚሊዮን  ወይም የዕቅዱን 94 በመቶ ሽያጭ አከናውል፡፡ ትርፍ ከታክስ በፊት ብር 33.2 ሚሊዮን ማግኘት ችል፡፡ ይህ የትርፍ አፈጻጸም ከዕቅዱ 11 በመቶ ከፍ ያለ ነው፡፡

ከሰዓት በኋላ ባለው ጊዜ የፍል ውሃ አገልግሎት ድርጅት የ2011 በጀት ዓመት ዕቅድ አፈጻጸም እና የ2012 ዕቅድ ዝግጅት ተገምግሟል፡፡ ድርጅቱ በ2011 በጀት ዓመት ብር 152 ሚሊዮን የአገልግሎት ሽያጭ ለማከናወን አቅዶ ብር 132 ሚሊዮን በማከናወን ዕቅዱን በ86.86 በመቶ አሳክቷል፡፡ በትርፍ ረገድ ከታክስ በፊት ብር 33.1 ሚሊዮን እንደሚያተርፍ አቅዶ የነበረ ሲሆን፣ ብር 25.3 ሚሊን በማትረፉ የዕቅዱን 76.36 በመቶ ማከናወን ችሏል፡፡

በግምገማው ማጠቃለያ የድርጅቶቹ የ2011 በጀት ዓመት አፈጻጸም የሚያበረታታ መሆኑ ተጠቅሶ፣ በ2012 በጀት ዓመት ዕቅዳቸው የለውጥ ሥራዎችን አጠናክረው የደንበኞቻቸውን እርካታ የበለጠ እንዲያሳድጉ ፣የአቅም አጠቃቀማቸውን ፈትሸው ክፍተቶቻቸውን እንዲሞሉ፣የመንግሥትን ትርፍ ድርሻ በወቅቱ ገቢ እንዲያደርጉ አቅጣጫ ተሰጥቷል፡፡


  ክቡር አቶ በየነ ገብረመስቀል

 የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር

Web Content Display Web Content Display

የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር የክቡር አቶ በየነ ገብረመስቀል መልዕክት

 

የመንግሥት የልማት ድርጅቶች ይዞታና አስተዳደር ኤጀንሲ በአዋጅ ቁጥር 1097/2011  መንግሥት አስፈጻሚ አካላትን እንደገና እንዲዋቀሩ ማድረጉን ተከትሎ በደንብ ቁጥር 445/2011 ተቋቁሟል፡፡ ኤጀንሲው ከቀድሞው የመንግሥት ልማት ድርጅቶች ሚኒስቴር በተለየ መልኩ አዲስ ተልዕኮ ፣ የትኩረት መስክ እና አደረጃጀት እንዲይዝ ተደርጓል፡፡ 

አዲሱን የመንግሥት አስፈጻሚ አካላት አደረጃጀት ተከትሎ የተቋቋመውን የመንግሥት የልማት ድርጅቶች ይዞታና አስተዳደር ኤጀንሲን  በዋና ዳይሬክተርነት እንድመራ ትልቅ ኃላፊነት ተሰጥቶኛል፡፡ ኤጀንሲው በሥሩ 22 ተጠሪ የመንግሥት የልማት ድርጅቶች አሉት፡፡

ኤጀንሲው  የመንግሥት የልማት ድርጅቶች ውጤታማ ፣ ተወዳዳሪና አትራፊ እንዲሆኑ ዘመናዊ የኮርፖሬት አስተዳደርና የኮርፖሬት ፋይናንስ ሥርዓት ዝርጋታ ፣ አመራርና አስተዳደር ክትትል ፣በመንግሥት የልማት ድርጅቶችና አክሲዮን ማህበራት ውስጥ መንግሥት ያለውን የባለቤትነት መብት ማስጠበቅ ፣በመንግሥት ልማት ፖሊሲ እና በመንግሥት የልማት ድርጅቶች ስምሪት መካከል የሚኖረውን ቅንጅት ማሳለጥ እንዲሁም የመንግሥት የልማት ድርጅቶች አስተዳደር  የመንግሥት የባለቤትነት ፣ የተቆጣጣሪ እና ፖሊሲ አውጪውን አካላት ኃላፊነትና ሚና በለየ መልኩ መተግበሩን ማረጋገጥ ላይ ያተኮሩ ዋና ዋና ዓላማዎችን እንዲያስፈጽም ኃላፊነት ተሰጥቶታል፡፡ ሌሎች ዝርዝር ተግባራትና ኃላፊነቶችም በመቋቋሚያ ደንቡ ተገልፀዋል፡፡

ኤጀንሲው እነዚህን ዓላማዎች እና  ኃላፊነቶች ለማሳካትም የመንግሥት የልማት ድርጅቶች ከዚህ ቀደም ከነበረው በተሻለ መልኩ ትርፋማነት ላይ አተኩረው እንዲሰሩ በማስቻል በሀገር ውስጥ እና ዓለም አቀፍ ገበያ ተወዳዳሪ ማድረግ እና የሀገርን ኢኮኖሚ መደገፍ እንዲችሉ ማብቃት ይጠበቅበታል፡፡

የኤጀንሲው ፣ የተጠሪ የልማት ድርጅቶች አመራሮችና ፈጻሚዎች ይህንን ትልቅ ሀገራዊ ኃላፊነት  ለመወጣት የመላው የሀገራችን ህዝብ እና የደንበኛና የባለድርሻ አካላት ከፍተኛ ድጋፍ ወሳኝ እንደሆነ አጥብቀን እናምናለን፡፡

በመሆኑም በምንከተለው ግልጽ አሰራር መሰረት የደንበኛና የባለድርሻ አካላትን ተሳትፎና ድጋፍ እንደምናበረታታ እያስታወቅን፣ ለጋራ ዓላማችን ስኬት ለምታደርጉት አስተዋጽኦ ከፍተኛ ክብር እንዳለን እና ትኩረት ሰጥተን ሁልጊዜም ለመሻሻል እንደምንሰራ ለመግለጽ እንወዳለን፡፡

Web Content Display Web Content Display