የኢትዮጵያ ግብርና እና የንግድ ሥራዎች ኮርፖሬሽኖች በ2011 በጀት ዓመት ብር 112.2 ሚሊዮን አተረፉ
በሆቱልና ቱሪዝም አገልግሎት መስክ የተሰማሩ 3 የልማት ድርጅቶች በ2011 በጀት ዓመት በድምሩ ብር 138.6 ሚሊዮን አተረፉ
ኤጀንሲው በስሩ ያሉ የልማት ተቋማትን የ2011 በጀት ዓመት ዕቅድ አፈጻጸማቸውንና የ2012 በጀት ዓመት ዕቅድ ዝግጅታቸውን መገምገም ጀመረ
ትኩረት የተሰጣቸው የመንግሥት የልማት ድርጅቶች የ9 ወራት አፈጻጸም በገንዘብ ሚኒስቴር ተገመገመ
የመንግሥት የልማት ድርጅቶች ብር 29.6 ቢሊዮን አተረፉ
Back

የመንግሥት የልማት ድርጅቶች ብር 29.6 ቢሊዮን አተረፉ

 

በመንግሥት የልማት ድርጅቶች ይዞታና አስተዳደር ሥር የሚገኙ 22 የልማት ድርጅቶች በ2011 በጀት ዓመት ዘጠኝ ወራት ከታክስ በፊት ብር 37.5 ቢሊዮን ለማትረፍ አቅደው ብር 29.6 ቢሊዮን ወይም የዕቅዳቸውን 85 በመቶ አተረፉ፡፡ የልማት ድርጅቶቹ በባለፉት ዘጠኝ ወራት ብር 122 ቢሊዮን የሚገመት የምርትና አገልግሎት ሽያጭ አቅደው ብር 100.8 ቢሊዮን ወይም የዕቅዳቸውን 79 በመቶ ማከናወን በመቻላቸው ከላይ የተጠቀሰውን ትርፍ ማግኘት እንደቻሉ የህዝብ ተወካዮች ምክር ቤት የገቢ፣በጀትና ፋይናንስ ቋሚ ኮሚቴ የኤጀንሲውን አፈጻጸም ግንቦት 21 ቀን 2011 ዓ.ም. በገመገመበት ወቅት ተገልጿል፡፡

በኤጀንሲው ሥር ከሚገኙ የልማት ድርጅቶች መካከል ምርትና አገልግሎታቸውን ለውጭ ገበያ የሚያቀርቡ ሰባት ድርጅቶች 79.6 ሚሊዮን የአሜሪካን ዶላር ገቢ ለማግኘት አቅደው 58 ሚሊዮን የአሜሪካን ዶላር ወይም የዕቅዳቸውን 73 በመቶ ማግኘት እንደቻሉ ለቋሚ ኮሚቴው የቀረበው ሪፖርት ያስረዳል፡፡

የልማት ድርጅቶቹ ካገኙት አጠቃላይ የምርትና አገልግሎት ሽያጭ ገቢ ብር 100.8 ቢሊዮን ውስጥ የኢትዮጵያ ንግድ ባንክ 37.7፣ኢትዮ ቴሌኮም 28.9 እና የኢትዮጵያ የባሕር ትራንስፖርትና ሎጂስቲክስ አገልግሎት ድርጅት 13.9 በመቶ ድርሻ በመያዝ ከፍተኛ አፈጻጸም አስመዝግበዋል፡፡

በአጠቃላይ ከተገኘው የብር 29.6 ቢሊዮን ትርፍ ከታክስ በፊት ከፍተኛውን ድርሻ የያዙት ኢትዮ ቴሌኮም 62.07፣የኢትዮ ንግድ ባንክ 43.98 እና የኢትዮጵያ የባሕር ትራንስፖርትና ሎጂስቲክስ አገልግሎት ድርጅት 3.75 በመቶ በማከናወን ነው፡፡

በአንጻሩ የኢትዮጵያ ልማት ባንክ፣ የኢትዮጵያ ማዕድን፣ ነዳጅና ባዮፊውል ኮርፖሬሽን፣የኢትዮጵያ ፐልኘና ወረቀት አ.ማ ፣ የኢትዮጵያ ብረታ ብረትና ኢንጂነሪንግ ኮርፖሬሽን ፣ የኢትዮጵያ ንግድ ስራዎች ኮርፖሬሽን እና ሸበሌ ትራንስፖርት አ.ማ. በበጀት ዓመቱ ዘጠኝ ወራት ኪሳራ አስመዝግበዋል፡፡

በዕለቱ ግምገማ ማጠቃለያ ላይ ቋሚ ኮሚቴው ኤጀንሲው እንደገና ከተቋቋመ በኋላ ራሱን በአጭር ጊዜ አደራጅቶ የጀመራቸውና በጥንካሬ የሚታዩ ጎኖቹን እንዲሁም ክፍተቶቹን ጠቅሶ፣ በቀጣይ ክፍተቶቹን በመሙላት ከፍተኛ ሀብት የሚያንቀሳቅሱ የልማት ድርጅቶችን ከነበሩበት ሁኔታ ለውጦ ለሀገር ኢኮኖሚ የሚጠበቅባቸውን አስተዋጽኦ እንዲያበረክቱ የተጣለበትን ከፍተኛ የህዝብ አደራ ለመወጣት የጀመረውን የለውጥ መርሐግብር አጠናክሮ እንዲቀጥል አመራር ሰጥቷል፡፡


  ክቡር አቶ በየነ ገብረመስቀል

 የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር

Web Content Display Web Content Display

የመንግሥት የልማት ድርጅቶች ይዞታና አስተዳደር ኤጀንሲ ዋና ዳይሬክተር የክቡር አቶ በየነ ገብረመስቀል መልዕክት

 

የመንግሥት የልማት ድርጅቶች ይዞታና አስተዳደር ኤጀንሲ በአዋጅ ቁጥር 1097/2011  መንግሥት አስፈጻሚ አካላትን እንደገና እንዲዋቀሩ ማድረጉን ተከትሎ በደንብ ቁጥር 445/2011 ተቋቁሟል፡፡ ኤጀንሲው ከቀድሞው የመንግሥት ልማት ድርጅቶች ሚኒስቴር በተለየ መልኩ አዲስ ተልዕኮ ፣ የትኩረት መስክ እና አደረጃጀት እንዲይዝ ተደርጓል፡፡ 

አዲሱን የመንግሥት አስፈጻሚ አካላት አደረጃጀት ተከትሎ የተቋቋመውን የመንግሥት የልማት ድርጅቶች ይዞታና አስተዳደር ኤጀንሲን  በዋና ዳይሬክተርነት እንድመራ ትልቅ ኃላፊነት ተሰጥቶኛል፡፡ ኤጀንሲው በሥሩ 22 ተጠሪ የመንግሥት የልማት ድርጅቶች አሉት፡፡

ኤጀንሲው  የመንግሥት የልማት ድርጅቶች ውጤታማ ፣ ተወዳዳሪና አትራፊ እንዲሆኑ ዘመናዊ የኮርፖሬት አስተዳደርና የኮርፖሬት ፋይናንስ ሥርዓት ዝርጋታ ፣ አመራርና አስተዳደር ክትትል ፣በመንግሥት የልማት ድርጅቶችና አክሲዮን ማህበራት ውስጥ መንግሥት ያለውን የባለቤትነት መብት ማስጠበቅ ፣በመንግሥት ልማት ፖሊሲ እና በመንግሥት የልማት ድርጅቶች ስምሪት መካከል የሚኖረውን ቅንጅት ማሳለጥ እንዲሁም የመንግሥት የልማት ድርጅቶች አስተዳደር  የመንግሥት የባለቤትነት ፣ የተቆጣጣሪ እና ፖሊሲ አውጪውን አካላት ኃላፊነትና ሚና በለየ መልኩ መተግበሩን ማረጋገጥ ላይ ያተኮሩ ዋና ዋና ዓላማዎችን እንዲያስፈጽም ኃላፊነት ተሰጥቶታል፡፡ ሌሎች ዝርዝር ተግባራትና ኃላፊነቶችም በመቋቋሚያ ደንቡ ተገልፀዋል፡፡

ኤጀንሲው እነዚህን ዓላማዎች እና  ኃላፊነቶች ለማሳካትም የመንግሥት የልማት ድርጅቶች ከዚህ ቀደም ከነበረው በተሻለ መልኩ ትርፋማነት ላይ አተኩረው እንዲሰሩ በማስቻል በሀገር ውስጥ እና ዓለም አቀፍ ገበያ ተወዳዳሪ ማድረግ እና የሀገርን ኢኮኖሚ መደገፍ እንዲችሉ ማብቃት ይጠበቅበታል፡፡

የኤጀንሲው ፣ የተጠሪ የልማት ድርጅቶች አመራሮችና ፈጻሚዎች ይህንን ትልቅ ሀገራዊ ኃላፊነት  ለመወጣት የመላው የሀገራችን ህዝብ እና የደንበኛና የባለድርሻ አካላት ከፍተኛ ድጋፍ ወሳኝ እንደሆነ አጥብቀን እናምናለን፡፡

በመሆኑም በምንከተለው ግልጽ አሰራር መሰረት የደንበኛና የባለድርሻ አካላትን ተሳትፎና ድጋፍ እንደምናበረታታ እያስታወቅን፣ ለጋራ ዓላማችን ስኬት ለምታደርጉት አስተዋጽኦ ከፍተኛ ክብር እንዳለን እና ትኩረት ሰጥተን ሁልጊዜም ለመሻሻል እንደምንሰራ ለመግለጽ እንወዳለን፡፡

Web Content Display Web Content Display