Web Content Display Web Content Display

የኢትዮጵያ የግብርና ሥራዎች ኮርፖሬሽን

ምስረታ

የኢትዮጵያ የግብርና ሥራዎች ኮርፖሬሽን ቀደም ሲል የኢትዮጵያ ምርጥ ዘር ድርጅት፣ የተፈጥሮ ሙጫ ምርትና ገበያ ድርጅት፣ የግብርና ምርት ማሳደጊያዎች አቅራቢ ድርጅት፣ የግብርና ሜካናይዜሽን አገልግሎት ድርጅት እና የእርሻ መሣሪያዎችና የቴክኒክ አገልግሎት አክስዮን ማኀበር የተባሉ አምስት የመንግሥት የልማት ድርጅቶችን በማዋሀድ በሚኒስትሮች ምክር ቤት ደንብ ቁጥር 368/2ዐዐ8 ከታኀሣሥ 12 ቀን 2ዐዐ8 ዓ.ም ጀምሮ የተቋቋመ መንግሥታዊ የልማት ድርጅት ነው፡፡   

ራዕይና ተልዕኮ

ራዕይ

"የተቀናጀ የግብርና ግብዓት እና ሜካናይዜሽን አገልግሎት በመስጠት በ2ዐ17 በአፍሪካ ተወዳዳሪ ተቋም መሆን፡፡

    ተልዕኮ

ለግብርና ምርትና ምርታማነነት ዕድገት አስተዋጽኦ የሚያደርጉ፣ ለዘመናዊ እርሻ እና ለአገር ኢንዱስትሪ መስፋፋት መሠረት የሆኑ የእርሻ ቴክኖሎጂ እና ግብአቶችን በተደራሽነትና በተመጣጣኝ ዋጋ በማቅረብ ሀገራዊ ልማትና እድገትን ማፋጠን፡፡

  የተቋቋመበት ዓላማ

  • የግብርና ምርት መሣደጊያዎችን ከሀገር ውስጥና ከውጪ ሀገር ገዝቶ ለገበያ ማቅረብ፣ ማዘጋጀት፣ የግብርና ምርት ማሳደጊያዎችን ገበያ ማረጋጋት ተግባርን ማከናወን፣
  • የግብርና ሜካናይዜሽን አገልግሎት፣ የእርሻና የኮንስትራክሽን መሣሪያዎች የጥገና አገልግሎት፣ የእርሻ መሣሪያዎችንና የትራንስፖርት ተሽከርካሪዎችን የኪራይ አገልግሎት መስጠት፣
  • የእርሻ መሣሪያዎችን፣ የኮንስትራክሽን መሣሪያዎችን እና አግሮ ኬሚካሎችን ከሀገር ውስጥና ከውጪ ሀገር ገዝቶ ለሽያጭ ማቅረብ፣
  • ዘመናዊ የእርሻ መሣሪያዎችን አጠቃቀም እንዲለመድ አስፈላጊውን ሥልጠና መስጠት፣ ስለ እርሻ መሣሪያዎች አያያዝና አጠቃቀም የምክር አገልግሎት መስጠት፣ የቴክኒክ ሙያ ማሻሻያ ሥራ ላይ ሥልጠና መስጠት፣
  • የተፈጥሮ ሙጫ ምርት መሰብሰብ፣ መግዛት፣ እሴት መጨመር፣ ማዘጋጀት፣ ሌሎች ከደን ውጤቶች የሚመረቱ ምርቶችን ማምረት ለሀገር ውስጥና ለውጭ ገበያዎች ማቅረብ፣
  • ቅድመ-መሥራች ዘሮችን ማባዛትና ምርጥ ዘሮችን ማበጠር፣ ማዘጋጀትና ማከፋፈል እና
  • ዓላማውን ከግብ ለማድረስ የሚረዱ ሌሎች ተዛማጅ ሥራዎችን መሥራት፡፡  

የድርጅቱ መዋቅር

የሰው ኃይል

ድምር፡-  2,556

አድራሻ

ዋና መ/ቤት፡-

የኮርፖሬሽኑ ዋና መ/ቤት አዲስ አበባ ሲሆን በተለያዩ የአገሪቱ ክፍሎች ቅርንጫፍ አሉት፡፡

አድራሻው፡-  በደብረዘይት መንገድ ከፋፋ የምግብ ፋብሪካ አጠገብ መቶ

           ሜትር ወደ ውስጥ ገባ ብሎ፡፡

 

ድረ-ገጽ አድራሻ፡-     www.ethioagribusco.com

            E-mail   Ethagribusco.gov.et /ethioagribusco@gmail.com